- шайқас
- (Сражение)
операцияның құрамдас бөлігі, жалпы мақсатпен бірлестірілген, белгілі бір әскер топтастықтарымен (күштерімен) жүргізілетін және бір операциялық тапсырманы орындауға бағытталған неғұрлым маңызды және қауырт ұрыстық соққылардың жиынтығы; ұрыстық қимылдардың түрі. Операция шеңберінде барлық маңдайшеп бойынша немесе жеке бағытта бір уақытта не кезекпен жүзеге асырылатын бірнеше Ш. болуы мүмкін. Ш. жалпы әскерлік, әуе, әуе шабуылына қарсы және теңіз шайқастары болып бөлінеді. Әскери іс-қимылдың мақсаты мен түрлері бойынша Ш. шабуылды (оның ішінде қарсы) және қорғанысты болуы мүмкін. Қазіргі заманғы Ш-ға батыл іс-әрекеттер мен табандылық, үлкен ауқымдылық және барынша оралымдылық тән. Соғыс өнерінде "операция" деген ұғым пайда болғанша Ш. армия іс-әркеттерінің негізгі түрі болып саналған.
Казахский толковый терминологический словарь по военному делу. — Мектеп.